Baku Bulvarı yerli sakinlərinin və paytaxt qonaqlarının ən sevimli istirahət məkanlarından biridir. 1998-ci ildən Milli Park statusu verilən bulvar son 1 ildə dünyanın ən müasir dənizkənarı parkına çevrilib. Dənizkənarı bulvar gözəlliyi və işıqlandırma sistemi, gözəl landşaft dizaynı, kafeləri, əyləncəsi ilə hər kəsi özünə heyran qoyur. Beynəlxalq Muğam Mərkəzi, Azərbaycan Xalça Muzeyi bulvar boyunca yerləşir. Paytaxta gələn qonaqlar Bakı Ağ şəhər Bulvarındakı “Bulvar Hotel”dən başlayıb Bakı Kristal Zalı və onun ətrafı da daxil olmaqla, Bayıl bulvarının sonunadək olan ərazidə istirahət edə bilərlər.